மகாராஷ்டிரா மாநிலம் புனேவில் உள்ள தனியார் பள்ளி வளாகத்தில் அடையாளம் தெரியாத நபர் ஒருவரால் 11 வயது சிறுமியை பாலியல் வன்கொடுமைக்கு ஆளாக்கப்பட்டதாக போலீசார் தெரிவித்தனர்.
இச்சம்பவம் புதன்கிழமை பிற்பகல் சிவாஜிநகர் பகுதியில் இடம்பெற்றுள்ளதாக அவர்கள் தெரிவித்தனர். “அடையாளம் தெரியாத நபர் ஒருவர், பள்ளி வளாகத்தில் உள்ள கழிவறைக்கு சிறுமியை அழைத்துச் சென்று, பாலியல் வன்கொடுமை செய்துவிட்டு தப்பியோடிவிட்டார். பின்னர், சம்பவம் குறித்து சிறுமி தனது நண்பர்களுக்கு தகவல் தெரிவித்தார். பின்னர், பள்ளி நிர்வாகம், பெற்றோருக்கும், போலீசாருக்கும் தகவல் தெரிவித்தது,” என்று சிவாஜிநகர் காவல் நிலைய மூத்த ஆய்வாளர் அனிதா தெரிவித்தார்.
அடையாளம் தெரியாத குற்றவாளிக்கு எதிராக இந்திய தண்டனைச் சட்டம் பிரிவு 376 (கற்பழிப்பு) மற்றும் பாலியல் குற்றங்களிலிருந்து குழந்தைகளைப் பாதுகாக்கும் (போக்சோ) சட்டத்தின் விதிகளின் கீழ் வழக்கு பதிவு செய்யப்பட்டுள்ளது என்று அந்த அதிகாரி கூறினார். போலீசார் வழக்குப்பதிவு செய்து பள்ளி வளாகத்தில் உள்ள சிசிடிவி காட்சிகளை ஆய்வு செய்து விசாரணை நடத்தி வருகின்றனர்.