அம்பர்நாத்தில் தெரு நாயை பாலியல் பலாத்காரம் செய்த நபர் கைது

தெரு நாயை பாலியல் பலாத்காரம் செய்ததாக 45 வயது நபர் ஒருவரை அம்பர்நாத் போலீசார் வியாழக்கிழமை கைது செய்தனர். அந்த நபர் தனது வீட்டிற்கு வலுக்கட்டாயமாக நாயை அழைத்துச் சென்றதையும் பின்னர் அது மோசமான நிலையில் விடப்பட்டதையும் சமூக ஆர்வலர் ஒருவர் பார்த்திருக்கிறார்.

குற்றம் சாட்டப்பட்டவர் அம்பர்நாத்தின் சித்தார்த் நகரில் வசிக்கும் ரிஸ்வான் ஷேக் என அடையாளம் காணப்பட்டார். குற்றம் சாட்டப்பட்டவர் தினசரி கூலி வேலை செய்து வருகிறான்.

புதன்கிழமை இரவு, ​​ரிஸ்வான் ஷேக் ஒரு தெரு நாயை வலுக்கட்டாயமாக இழுத்து சென்றதாகவும் சில தெரு நாய்கள் அவனை குரைத்தபோது, நாயை தனது வீட்டிற்குள் அழைத்துச் சென்று, கதவைப் பூட்டி பாலியல் பலாத்காரம் செய்ததாகக் கூறப்படுகிறது.

காவல்துறை அதிகாரி ஒருவர் கூறுகையில், “இந்தச் சம்பவத்தை ஒரு சமூக சேவகர் மற்றும் குற்றம் சாட்டப்பட்டவருக்கு அருகில் தங்கியிருந்த ஒரு குடும்பத்தினர் நேரில் பார்த்துள்ளனர். நாயின் உடல்நிலை சரியில்லாமல் இருப்பதை பார்த்த அவர்கள் உடனடியாக மருத்துவமனைக்கு கொண்டு சென்றனர். நாய் இப்போது நிலையாக உள்ளது. குற்றம் சாட்டப்பட்டவர் மீது ஐபிசி 377ன் கீழ் எப்ஐஆர் பதிவு செய்து அவரை கைது செய்துள்ளோம்.