70 வயதான தாய் மற்றும் சகோதரியைத் தாக்கி, வீட்டை விட்டு வெளியேற்றியதற்காக ஒரு ஆண் மற்றும் அவரது மனைவி மீது பயந்தர் போலீஸார் வியாழக்கிழமை வழக்குப் பதிவு செய்தனர்.
புகாரின்படி, புகார்தாரரான சந்திரிகாபென் ஹிம்மத்லால் மெஹதா பயந்தர் வெஸ்டில் உள்ள கீதா நகர், சாந்தி பூங்காவில் தனது மகள் சேத்னா, 45, மகன் தர்மேஷ், 48, மற்றும் மருமகள் தனுஜா, 35, மற்றும் அவளுடைய இரண்டு பேரக்குழந்தைகள் ஆகியோருடன் தங்கியிருக்கிறார்.
மகன் தர்மேஷ் அவளிடம் ஃப்ளாட்டின் காகிதங்களைக் கொடுக்கச் சொன்னார், ஆனால் தாய் அதைக் கொடுக்க மறுத்ததால், மகனும் மருமகளும் தாயை கொடூரமாகத் தாக்கி, சுவரில் தலை கொண்டு மோதினர். சேத்னா (மகள்) தலையிட்டபோது, சேத்னா இருவராலும் கேட்டவர்த்தைகள்ளால் தீட்டியும் தாக்கப்பட்டார். பின்னர், மகனும் மருமகளும் அவர்களை குடியிருப்பில் இருந்து வெளியே தூக்கி எறிந்தனர் மற்றும் ஆடைகள் உட்பட எந்த பொருட்களையும் எடுக்க அனுமதிக்கப்படவில்லை என்று ஒரு போலீஸ் அதிகாரி கூறினார்.
அவர்கள் தற்போது அவரது மகள்களின் நண்பர் வீட்டில் தங்கியுள்ளனர். போலீஸ் விசரணையின்படி குற்றம் சாட்டப்பட்ட மகன் ஆக்கிரமித்துள்ள பிளாட் மேத்தா மற்றும் அவரது கணவருக்கு சொந்தமானது. திருமணத்திற்கு பிறகு தர்மேஷ் தனது மனைவியுடன் ஒரே வீட்டில் வசித்து வந்தார். ஆனால், அடிக்கடி தகராறு ஏற்பட்டு வந்ததால், இருவரும் தனித்தனியாக வேறு வீட்டில் வசித்து வந்தனர்.
கடந்த ஆண்டு, மேஹதாவின் கணவர் இறந்த பிறகு, குற்றம் சாட்டப்பட்டவர் வீட்டிற்குச் செல்லத் தொடங்கினார் மற்றும் அவருக்கு வீட்டைக் கொடுக்குமாறு கூறியுள்ளார்.
பின்னர் மேஹதா அந்த பிளாட்டை விற்று சிறிது தொகையை தனது மகன் தர்மேஷுக்கு கொடுக்க முடிவு செய்தார். இருப்பினும், அவர் ஒப்புக்கொள்ளவில்லை, மேஹதாவின் வீட்டில் தனது மனைவி மற்றும் குழந்தைகளுடன் தங்கத் தொடங்கினார்.
பிப்ரவரி 26 அன்று, தாக்குதலுக்குப் பிறகு, பாதிக்கப்பட்டவர் பயந்தர் காவல் நிலையத்தில் எழுத்துப்பூர்வமாக புகார் அளித்தார். உண்மைகளை சரிபார்த்த போலீசார், தர்மேஷ் மற்றும் தனுஜா மீது வியாழக்கிழமை வழக்கு பதிவு செய்ததாக மற்றொரு அதிகாரி தெரிவித்தார்.
“இந்திய தண்டனைச் சட்டம் மற்றும் பெற்றோர் மற்றும் மூத்த குடிமக்களின் பராமரிப்பு மற்றும் நலன்புரிச் சட்டத்தின் தொடர்புடைய பிரிவுகளின் கீழ் நாங்கள் வழக்குப் பதிவு செய்துள்ளோம், மேலும் விசாரித்து வருகிறோம்” என்று அதிகாரி மேலும் கூறினார்.