[ad_1]
‘பீஸ்ட்’ படத்தை தொடர்ந்து வம்சி பைடிப்பள்ளி இயக்கத்தில் விஜய் நடிக்கும் ‘தளபதி 66’ படத்தின் படப்பிடிப்பு பணிகள் விறுவிறுப்பாக நடைபெற்று வருகிறது. இந்த படத்தில் முதன்முறையாக விஜய்க்கு ஜோடியாக ராஷ்மிகா மந்தனா நடிக்கிறார், மேலும் படத்தில் பிரபல நட்சத்திரங்களான பிரகாஷ் ராஜ், பிரபு, ஜெயசுதா, சங்கீதா மற்றும் ஷாம் போன்ற பலர் முக்கிய கதாபாத்திரத்தில் நடித்துள்ளனர். சில வாரங்களுக்கு முன்னர் இந்த படத்தின் சில முக்கியமான காட்சிகள் ஹைதராபாத்தில் நிறைவு செய்யப்பட்டது, அடுத்தகட்ட படப்பிடிப்பிற்காக படக்குழு சென்னைக்கு வந்துள்ளது.
சமீபத்தில் ‘தளபதி 66’ படத்தின் படப்பிடிப்பு தளத்தில் இருந்து சில புகைப்படங்கள் இணையத்தில் வெளியாகி பரபரப்பை கிளப்பியது. முழுக்கமுழுக்க குடும்ப கதையம்சம் நிறைந்த படமாக உருவாகிவரும் இந்த படத்தை தில் ராஜுவின் வெங்கடேஸ்வரா கிரியேஷன்ஸ் நிறுவனம் தயாரிக்க, இப்படத்திற்கு தமன் இசையமைக்கிறார். ஜூன்-23ம் தேதி விஜய்யின் பிறந்தநாளுக்கு இவரின் படங்கள் குறித்த லேட்டஸ்ட் அப்டேட்டுகள் எதுவும் வெளியிடப்படுமா என்று ரசிகர்கள் காத்துக்கொண்டிருந்த நிலையில், தற்போது அவரது பிறந்தநாளுக்கு முன்னதாகவே ஒரு முக்கியமான அப்டேட் வெளியாகவுள்ளது.
